Ommaviy oferta

Ushbu hujjat moslik.uz veb-xizmatidan foydalanish bo'yicha ommaviy oferta — ya'ni shartnoma tuzish taklifi. Ro'yxatdan o'tish yoki to'lov qilish ofertani to'liq qabul qilish hisoblanadi.

1. Taraflar

Ijrochi — ABDULHAMIDOV DIYORBEK G'AYRATALIYEVICH, o'zini o'zi band qilgan shaxs. Ma'lumotnoma № 0014260301, 19.08.2026 da O'zbekiston Respublikasi Soliq qo'mitasi tomonidan berilgan. Faoliyat turi: dasturiy ta'minot ishlab chiqish. Faoliyat manzili: Toshkent viloyati, Angren shahar.
Foydalanuvchi — moslik.uz saytida ro'yxatdan o'tgan har qanday jismoniy yoki yuridik shaxs.

2. Oferta predmeti

Ijrochi Foydalanuvchiga moslik.uz veb-xizmatidan foydalanish huquqini beradi.
Xizmat bank ko'chirmasi va faktura ro'yxatini solishtiradi, har bir kontragent bo'yicha farqni ko'rsatadi, Akt sverkini va Excel hisobotini shakllantiradi.
Xizmat internet orqali ko'rsatiladi: dastur Foydalanuvchining kompyuteriga o'rnatilmaydi, u brauzerda ishlaydi.

3. Ofertani qabul qilish

Saytda ro'yxatdan o'tish yoki xizmat haqini to'lash ofertani to'liq va so'zsiz qabul qilish (aktsept) hisoblanadi.
Aktsept lahzasidan boshlab shartnoma tuzilgan hisoblanadi. Qog'oz shartnoma imzolash talab qilinmaydi.

4. Xizmat narxi va to'lov tartibi

Bepul reja: 3 ta korxona va 1 ta foydalanuvchi. To'lov talab qilinmaydi, karta so'ralmaydi.
«Buxgalter» rejasi: oyiga 9 999 so'm. Korxona soni cheklanmaydi, 1 ta foydalanuvchi.
«Byuro» rejasi: oyiga 39 999 so'm. Korxona soni cheklanmaydi, 5 tagacha foydalanuvchi.
Sverkalar soni hamma rejada cheklanmaydi.
Narxlar O'zbekiston so'mida ko'rsatilgan va boshqa soliqlar qo'shilmaydi.
To'lov CLICK to'lov tizimi orqali, bir oy uchun oldindan amalga oshiriladi. To'lov o'tgach reja Foydalanuvchining ish maydoniga darhol qo'yiladi.
Ijrochi narxni o'zgartirish huquqiga ega. Yangi narx faqat keyingi to'lov davriga tatbiq etiladi — to'langan davr o'zgarmaydi.

5. Taraflarning majburiyatlari

Ijrochi xizmatning uzluksiz ishlashini ta'minlashga harakat qiladi va rejali texnik ishlar haqida oldindan xabar beradi.
Foydalanuvchi hisob ma'lumotlarini (parol, SMS kod) uchinchi shaxslarga bermaydi. Ular orqali qilingan harakatlar Foydalanuvchi tomonidan qilingan hisoblanadi.
Foydalanuvchi xizmatga faqat o'zi qonuniy asosda ega bo'lgan ma'lumotni yuklaydi.

6. Ma'lumot va maxfiylik

Foydalanuvchi yuklagan fayllar va shakllantirilgan hisobotlar faqat uning ish maydonida saqlanadi va boshqa foydalanuvchilarga ko'rinmaydi.
Ijrochi Foydalanuvchi ma'lumotini uchinchi shaxslarga bermaydi — qonunda belgilangan hollar bundan mustasno.
Foydalanuvchi istagan vaqtda o'z korxonalarini, hisobotlarini va hisobini o'chirishi mumkin. O'chirilgan ma'lumot tiklanmaydi.

7. To'lovni qaytarish

To'lovni qaytarish tartibi alohida sahifada batafsil yozilgan va ushbu ofertaning ajralmas qismi hisoblanadi.

8. Javobgarlik

Xizmat buxgalteriya hisobini YURITMAYDI va soliq hisobotini TOPSHIRMAYDI. U faqat yuklangan hujjatlardagi raqamlarni solishtiradi va farqni ko'rsatadi.
Buxgalteriya va soliq hujjatlarining to'g'riligi uchun javobgarlik Foydalanuvchida qoladi. Xizmat natijasi tekshiruv uchun vosita, yakuniy hujjat emas.
Ijrochining javobgarligi oxirgi to'langan oy uchun to'langan summa bilan cheklanadi.

9. Amal qilish muddati

Oferta saytda e'lon qilingan paytdan amal qiladi va yangi tahrir e'lon qilingunicha kuchda bo'ladi.
Foydalanuvchi istagan vaqtda obunani bekor qilishi va hisobini o'chirishi mumkin.

10. Nizolarni hal qilish

Nizolar muzokara yo'li bilan hal etiladi.
Kelishuvga erishilmasa, nizo O'zbekiston Respublikasi qonunchiligiga muvofiq hal etiladi.

Ijrochi rekvizitlari

Ijrochi: ABDULHAMIDOV DIYORBEK G'AYRATALIYEVICH
Maqomi: O'zini o'zi band qilgan shaxs
Ma'lumotnoma: № 0014260301 · 19.08.2026
Bergan organ: O'zbekiston Respublikasi Soliq qo'mitasi
Faoliyat turi: Dasturiy ta'minot ishlab chiqish
Faoliyat manzili: Toshkent viloyati, Angren shahar
Telefon: +998 20 012 77 07
Elektron pochta: drkoffical001@gmail.com